Semtilbu 5
1 Hiche hohi Adam te insung khanggui umdan kijihna lekhabu ahi. Pathen in mihem asem chu ama lim tobang din asem in ahi.
This is the book of the generations of Adam. In the day that God created man, in the likeness of God made He him;
2 Pathenin numei le pasal ana semdoh in aman amisem doh teni chu phatthei aboh in chuin amani chu mihem asah tai.
male and female created He them, and blessed them, and called their name Adam, in the day when they were created.
3 Adam chu kum jakhat le kum somthum alhinin ama limle ama mel to kilou cha khat ahing in hichepa chu amin Seth asah tai.
And Adam lived a hundred and thirty years, and begot a son in his own likeness, after his image; and called his name Seth.
4 Seth apen jou chun Adam chu kum jaget tabang ahin be kit in, chu achun Adam in cha numei le pasal anei be na laiye.
And the days of Adam after he begot Seth were eight hundred years; and he begot sons and daughters.
5 Adam chu kum jako le kum somthum ahing nomsel in hiche jou chun ama athi tai.
And all the days that Adam lived were nine hundred and thirty years; and he died.
6 Seth chu kum jakhat le kum nga ahi chun ama chu Enosh pa ahung hi tai.
And Seth lived a hundred and five years, and begot Enosh.
7 Enosh pen jou chun Seth chu kum jaget le kum sagi ahin be nalai in chu achun aman cha numei le pasal adang ahin be nalaiye.
And Seth lived after he begot Enosh eight hundred and seven years, and begot sons and daughters.
8 Hichun Seth chu kum jako le kumsom le kumni ahing in hiche jou chun aleiset hinkho abeitai.
And all the days of Seth were nine hundred and twelve years; and he died.
9 Enosh chu kum somko ahi chun ama chu Kenan pa ahung hi tai.
And Enosh lived ninety years, and begot Kenan.
10 Kenan pen jou chun, Enosh chu kum jaget le kum som le kum nga ahing na laiyin chujou chun cha numei le cha pasal ahing na laiye.
And Enosh lived after he begot Kenan eight hundred and fifteen years, and begot sons and daughters.
11 Enosh chu kum jako le kum nga ahing in ama athi tai.
And all the days of Enosh were nine hundred and five years; and he died.
12 Kenan chu kum som sagi alhing in ama chu Mahalalel pa ahung hitai.
And Kenan lived seventy years, and begot Mahalalel.
13 Mahalalel pen jou chun, Kenan chu kum jaget le kum somli ahing na laiyin, chule aman chapa dang le chanu dang jong anei be nalaiye.
And Kenan lived after he begot Mahalalel eight hundred and forty years, and begot sons and daughters.
14 Kenan chu kum jako le kum som gei ahing in chuin ama hinkho abeitai.
And all the days of Kenan were nine hundred and ten years; and he died.
15 Hichun Mahalalel chu kum somgup le kum nga alhing in ama chu Jared pa ahung hi tai.
And Mahalalel lived sixty and five years, and begot Jared.
16 Jared pen jou chun, Mahalalel chu kum jaget le kum som thum jen ahing nalaiyin chule cha pasal le cha numei tamtah ahin be nalaiye.
And Mahalalel lived after he begot Jared eight hundred and thirty years, and begot sons and daughters.
17 Hichun Mahalalel kum jaget le kum somko le kum nga gei ahing in hichun ama leiset hinkho abeitai.
And all the days of Mahalalel were eight hundred ninety and five years; and he died.
18 Jared chu kum jakhat le kum somgup le kum ni alhin in ama chu Enoch pa ahung hitai.
And Jared lived a hundred sixty and two years, and begot Enoch.
19 Enoch pen jou chun, Jared chu kum jaget gei ahingin, chuban in chapa le chanu dang jong ahing na laiye.
And Jared lived after he begot Enoch eight hundred years, and begot sons and daughters.
20 Jared chu kum jako le kum som gup le kumni ahing in, hichun ama aleiset hinkho abeitai.
And all the days of Jared were nine hundred sixty and two years; and he died.
21 Enoch chu kum som gup le kum nga alhin in ama chu Methuselah pa ahung hitai.
And Enoch lived sixty and five years, and begot Methuselah.
22 Methuselah pen jou kum jathum sungin Enoch chu Pathen toh kinai tah in aum jing jeng in chule chapa dangle chanu dang tampi jong ahinbe nalaiye.
And Enoch walked with God after he begot Methuselah three hundred years, and begot sons and daughters.
23 Hiti chun Enoch chu kum jathum le kum somgup le kum nga ahing in ahi.
And all the days of Enoch were three hundred sixty and five years.
24 Pathen toh kingaitah a umjing ahin nikhat chu ama akimu tapon Pathen in akou doh ahi tai.
And Enoch walked with God, and he was not; for God took him.
25 Methuselah chu kum jakhat le kum somget le kum sagi alhin in, ama chu Lamech pa ahung hitai.
And Methuselah lived a hundred eighty and seven years, and begot Lamech.
26 Lamech pen jou chun, Methuselah chu kum jasagi le kum somget le kumni ahing in, hichun aman chapa le chanu dang tamtah anei be nalaiyin ahi.
And Methuselah lived after he begot Lamech seven hundred eighty and two years, and begot sons and daughters.
27 Methuselah chu kum jako le kumsom gup le kum ko ahing in hichun ama ahinkho abeitai.
And all the days of Methuselah were nine hundred sixty and nine years; and he died.
28 Hichun Lamech chu kum jakhat le kum som get le kumni alhinin chapa khat ahing in,
And Lamech lived a hundred eighty and two years, and begot a son.
29 Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset'a kona ama hin eitha-ol sah ding'u ahi,”ati.
And he called his name Noah, saying: 'This same shall comfort us in our work and in the toil of our hands, which cometh from the ground which the LORD hath cursed.'
30 Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.
And Lamech lived after he begot Noah five hundred ninety and five years, and begot sons and daughters.
31 Lamech chu kum jasagi le kum som sagi le kum sagi ahing in, hichun aleiset hinkho abeitai.
And all the days of Lamech were seven hundred seventy and seven years; and he died.
32 Noah chu kum ja nga alhin'in, ama chu Shem, Ham, chule Japheth ahing in ahi.
And Noah was five hundred years old; and Noah begot Shem, Ham, and Japheth.
