Psalms 24

1 A Psalm by David. The earth is the LORD’s, with its fullness; the world, and those who dwell in it.

Ang salmo ni David. Ang kalibotan iya ni Yahweh, ug ang tanan niini, ang kalibotan, ug ang tanang nagpuyo niini.

2 For he has founded it on the seas, and established it on the floods.

Kay gitukod niya kini ibabaw sa kadagatan ug gipalig-on kini ibabaw sa kasapaan.

3 Who may ascend to the LORD’s hill? Who may stand in his holy place?

Kinsa ba ang motungas sa bukid ni Yahweh? Kinsa ba ang mobarog sa iyang balaang dapit?

4 He who has clean hands and a pure heart; who has not lifted up his soul to falsehood, and has not sworn deceitfully.

Siya nga adunay hinlo nga mga kamot ug putli nga kasingkasing; nga wala nagpasaka ug kabakakan, ug wala manumpa aron sa pagpanlimbong.

5 He shall receive a blessing from the LORD, righteousness from the God of his salvation.

Makadawat siya sa panalangin nga gikan kang Yahweh ug ang pagkamatarong gikan sa Dios sa iyang kaluwasan.

6 This is the generation of those who seek Him, who seek your face—even Jacob. (Selah)

Ingon niini ang kaliwatan niadtong nangita kaniya, kadtong nagapangita sa panagway sa Dios ni Jacob. (Sela)

7 Lift up your heads, you gates! Be lifted up, you everlasting doors, and the King of glory will come in.

Ablihi ang mga ganghaan; ablihi ang walay kataposang mga pultahan, aron ang Hari sa himaya makasulod!

8 Who is the King of glory? The LORD strong and mighty, the LORD mighty in battle.

Kinsa ba kining Hari sa himaya? Si Yahweh ang kusgan ug makagagahom; si Yahweh ang makagagahom sa panggubatan.

9 Lift up your heads, you gates; yes, lift them up, you everlasting doors, and the King of glory will come in.

Ablihi ang mga ganghaan; ablihi ang walay kataposang mga pultahan, aron makasulod ang Hari sa himaya!

10 Who is this King of glory? The LORD of Hosts is the King of glory! (Selah)

Kinsa ba kining Hari sa himaya? Si Yahweh sa panon, siya ang Hari sa himaya. (Sela)