Psalms 64

1 `In Ebrewe thus, To the victorie, the salm of Dauid. `In Jerom `thus, To the ouercomer, the song of Dauid. God, here thou my preier, whanne Y biseche; delyuere thou my soule fro the drede of the enemy.

In finem, Psalmus David. Exaudi Deus orationem meam cum deprecor: a timore inimici eripe animam meam.

2 Thou hast defendid me fro the couent of yuele doers; fro the multitude of hem that worchen wickidnesse.

Protexisti me a conventu malignantium: a multitudine operantium iniquitatem.

3 For thei scharpiden her tungis as a swerd, thei benten a bowe, a bittir thing;

Quia exacuerunt ut gladium linguas suas: intenderunt arcum rem amaram,

4 for to schete in priuetees hym that is vnwemmed.

ut sagittent in occultis immaculatum.

5 Sodeynli thei schulen schete hym, and thei schulen not drede; thei maden stidefast to hem silf a wickid word. Thei telden, that thei schulden hide snaris; thei seiden, Who schal se hem?

Subito sagittabunt eum, et non timebunt: firmaverunt sibi sermonem nequam. Narraverunt ut absconderent laqueos: dixerunt: Quis videbit eos?

6 Thei souyten wickidnessis; thei souyten, and failiden in sekinge. A man neiyhe to deep herte;

Scrutati sunt iniquitates: defecerunt scrutantes scrutinio. Accedet homo ad cor altum:

7 and God schal be enhaunsid. The arowis of `litle men ben maad the woundis of hem;

et exaltabitur Deus. Sagittæ parvulorum factæ sunt plagæ eorum:

8 and the tungis of hem ben maad sijk ayens hem. Alle men ben disturblid, that sien hem;

et infirmatæ sunt contra eos linguæ eorum. Conturbati sunt omnes qui videbant eos:

9 and ech man dredde. And thei telden the werkis of God; and vndurstoden the dedis of God.

et timuit omnis homo. Et annunciaverunt opera Dei: et facta eius intellexerunt.

10 The iust man schal be glad in the Lord, and schal hope in hym; and alle men of riytful herte schulen be preisid.

Lætabitur iustus in Domino, et sperabit in eo, et laudabuntur omnes recti corde.