Dagiti Salmo 99

1 Agar-ari ni Yahweh, agpigerger koma dagiti nasion. Agtugtugaw isuna iti tronona iti ngatoen ti kerubim; ken agginggined ti daga.

The LORD reigns! Let the peoples tremble. He sits enthroned amongst the cherubim. Let the earth be moved.

2 Naindaklan ni Yahweh idiay Sion; maitagtag-ay isuna kadagiti amin a nasion.

The LORD is great in Zion. He is high above all the peoples.

3 Idaydayawda koma ti naindaklan ken natan-ok a nagganmo; nasantoan isuna.

Let them praise your great and awesome name. He is Holy!

4 Nabileg ti ari, ken ay-ayatena ti hustisia. Inrugim ti awan panangidumduma; nangaramidka iti nalinteg a paglintegan kenni Jacob.

The King’s strength also loves justice. You establish equity. You execute justice and righteousness in Jacob.

5 Idaydayawyo ni Yahweh a Diostayo ken agrukbabkayo iti sakaananna. Nasantoan isuna.

Exalt the LORD our God. Worship at his footstool. He is Holy!

6 Da Moises ken Aaron ket maysada kadagiti papadina, ken ni Samuel ket maysa kadagiti nagkararag kenkuana. Nagkararagda kenni Yahweh ket sinungbatanna ida.

Moses and Aaron were amongst his priests, Samuel was amongst those who call on his name. They called on the LORD, and he answered them.

7 Kinasaritana ida manipud iti adigi ti ulep. Sinalimetmetanda dagiti pammaneknekna ken alagaden nga intedna kadakuada.

He spoke to them in the pillar of cloud. They kept his testimonies, the statute that he gave them.

8 Sinungbatam ida, O Yahweh a Diosmi. Sika ti Dios a nangpakawan kadakuada, uray no dinusam dagiti basbasolda.

You answered them, LORD our God. You are a God who forgave them, although you took vengeance for their doings.

9 Idaydayawyo ni Yahweh a Diostayo, ken agrukbabkayo idiay nasantoan a turodna, ta nasantoan ni Yahweh a Diostayo.

Exalt the LORD, our God. Worship at his holy hill, for the LORD, our God, is holy!