Psalmorum 26

1 In finem, Psalmus David. Iudica me Domine, quoniam ego in innocentia mea ingressus sum: et in Domino sperans non infirmabor.

Psalmus David. Iudica me Domine, quoniam ego in innocentia mea ingressus sum: et in Domino sperans non infirmabor.

2 Proba me Domine, et tenta me: ure renes meos et cor meum.

Proba me Domine, et tenta me: ure renes meos et cor meum.

3 Quoniam misericordia tua ante oculos meos est: et complacui in veritate tua.

Quoniam misericordia tua ante oculos meos est: et complacui in veritate tua.

4 Non sedi cum concilio vanitatis: et cum iniqua gerentibus non introibo.

Non sedi cum concilio vanitatis: et cum iniqua gerentibus non introibo.

5 Odivi ecclesiam malignantium: et cum impiis non sedebo.

Odivi ecclesiam malignantium: et cum impiis non sedebo.

6 Lavabo inter innocentes manus meas: et circumdabo altare tuum Domine:

Lavabo inter innocentes manus meas: et circumdabo altare tuum Domine:

7 Ut audiam vocem laudis, et enarrem universa mirabilia tua.

Ut audiam vocem laudis tuae, et enarrem universa mirabilia tua.

8 Domine dilexi decorem domus tuæ, et locum habitationis gloriæ tuæ.

Domine dilexi decorem domus tuae, et locum habitationis gloriae tuae.

9 Ne perdas cum impiis Deus animam meam, et cum viris sanguinum vitam meam:

Ne perdas cum impiis Deus animam meam, et cum viris sanguinum vitam meam:

10 In quorum manibus iniquitates sunt: dextera eorum repleta est muneribus.

In quorum manibus iniquitates sunt: dextera eorum repleta est muneribus.

11 Ego autem in innocentia mea ingressus sum: redime me, et miserere mei.

Ego autem in innocentia mea ingressus sum: redime me, et miserere mei.

12 Pes meus stetit in directo: in ecclesiis benedicam te Domine.

Pes meus stetit in directo: in ecclesiis benedicam te Domine.