Amahubo 119
1 Babusisiwe labo abandlela zabo zingelansolo, abahamba ngomthetho kaThixo.
| אשרי תמימי-דרך-- ההלכים בתורת יהוה |
2 Babusisiwe labo abagcina imilayo yakhe, abayidinga ngenhliziyo yabo yonke.
| אשרי נצרי עדתיו בכל-לב ידרשוהו |
3 Kaboni lutho; bahamba ezindleleni zakhe.
| אף לא-פעלו עולה בדרכיו הלכו |
4 Wena ubekile izimiso ukuthi zilandelwe ngokupheleleyo.
| אתה צויתה פקדיך-- לשמר מאד |
5 He, aluba izindlela zami zithembekile ekulaleleni izimemezelo zakho!
| אחלי יכנו דרכי-- לשמר חקיך |
6 Lapho-ke ngeke ngibe lenhloni nxa ngikhumbula yonke imilayo yakho.
| אז לא-אבוש-- בהביטי אל-כל-מצותיך |
7 Ngizakudumisa ngenhliziyo eqotho ngilokhu ngiyifunda imithetho yakho elungileyo.
| אודך בישר לבב-- בלמדי משפטי צדקך |
8 Ngizazilalela izimemezelo zakho; ungangikhalali ngempela.
| את-חקיך אשמר אל-תעזבני עד-מאד |
9 Ijaha lingaphila njani impilo ehlambulukileyo? Ngokuphila ngendlela yelizwi lakho.
| במה יזכה-נער את-ארחו-- לשמר כדברך |
10 Ngikudinga ngenhliziyo yami yonke; ungangiyekeli ngiphambuke emilayweni yakho.
| בכל-לבי דרשתיך אל-תשגני ממצותיך |
11 Ilizwi lakho ngilifihlile enhliziyweni yami ukuze ngingenzi isono kuwe.
| בלבי צפנתי אמרתך-- למען לא אחטא-לך |
12 Udumo kalube kuwe, Oh Thixo; ngifundisa izimemezelo zakho.
| ברוך אתה יהוה-- למדני חקיך |
13 Ngezindebe zami ngiyayibala yonke imithetho ephuma emlonyeni wakho.
| בשפתי ספרתי-- כל משפטי-פיך |
14 Kuyangithokozisa ukulandela izimiso zakho njengomuntu ethabela inotho enkulu.
| בדרך עדותיך ששתי-- כעל כל-הון |
15 Ngiyanakana ngezimiso zakho ngikhumbule ngezindlela zakho.
| בפקודיך אשיחה ואביטה ארחתיך |
16 Ngiyathokoza ngezimemezelo zakho; angiyikulidela ilizwi lakho.
| בחקתיך אשתעשע לא אשכח דברך |
17 Yenzele okuhle inceku yakho ukuba ngiphile; ngizalilalela ilizwi lakho.
| גמל על-עבדך אחיה ואשמרה דברך |
18 Vula amehlo ami ukuze ngibone izinto ezimangalisayo emthethweni wakho.
| גל-עיני ואביטה-- נפלאות מתורתך |
19 Ngiyisihambi emhlabeni; ungangifihleli imilayo yakho.
| גר אנכי בארץ אל-תסתר ממני מצותיך |
20 Umphefumulo wami uhugekile ngokulangazelela imithetho yakho ngezikhathi zonke.
| גרסה נפשי לתאבה-- אל-משפטיך בכל-עת |
21 Uyabakhuza abaklolodayo, abaqalekisiweyo abaphambukayo emithethweni yakho.
| גערת זדים ארורים-- השגים ממצותיך |
22 Susa kimi ihlazo lokweyisa, ngoba ngiyazigcina izimiso zakho.
| גל מעלי חרפה ובוז כי עדתיך נצרתי |
23 Loba ababusi behlangana ngami bengigcona, inceku yakho izanakana ngezimemezelo zakho.
| גם ישבו שרים בי נדברו-- עבדך ישיח בחקיך |
24 Izimiso zakho ziyinjabulo yami; zingabacebisi bami.
| גם-עדתיך שעשעי-- אנשי עצתי |
25 Ngehliselwe phansi othulini; londoloza impilo yami njengokwelizwi lakho.
| דבקה לעפר נפשי חיני כדברך |
26 Ngabalisa izindlela zami wangiphendula; ngifundisa izimiso zakho.
| דרכי ספרתי ותענני למדני חקיך |
27 Ngenza ngizwisise imfundiso yezimiso zakho; lapho-ke ngizanakana ngezimanga zakho.
| דרך-פקודיך הבינני ואשיחה בנפלאותיך |
28 Umphefumulo wami ukhathele ngosizi; ngiqinisa njengokwelizwi lakho.
| דלפה נפשי מתוגה קימני כדברך |
29 Ngivikela ezindleleni zenkohliso; woba lobubele kimi ngokomthetho wakho.
| דרך-שקר הסר ממני ותורתך חנני |
30 Ngikhethe indlela yeqiniso; sengibeke inhliziyo yami emithethweni yakho.
| דרך-אמונה בחרתי משפטיך שויתי |
31 Ngibambelele ezimisweni zakho, Oh Thixo; ungangiyekeli ngiyangeka.
| דבקתי בעדותיך יהוה אל-תבישני |
32 Ngigijima ngendlela yemithetho yakho, ngoba uyikhulule inhliziyo yami.
| דרך-מצותיך ארוץ כי תרחיב לבי |
33 Ngifundisa, Oh Thixo; ukulandela izimemezelo zakho; ukuthi ngizigcine kuze kufike ekucineni.
| הורני יהוה דרך חקיך ואצרנה עקב |
34 Ngipha ukuzwisisa ukuze ngigcine umthetho wakho ngiwulalele ngayo yonke inhliziyo yami.
| הבינני ואצרה תורתך ואשמרנה בכל-לב |
35 Ngiqondisa endleleni yemilayo yakho, ngoba khonapho ngifumana ukuthokoza.
| הדריכני בנתיב מצותיך כי-בו חפצתי |
36 Phendulela inhliziyo yami ezimisweni zakho kungabi ngokokuzizuzela okungokwami.
| הט-לבי אל-עדותיך ואל אל-בצע |
37 Phendula amehlo ami asuke ezintweni ezingesilutho; londoloza impilo yami njengokwelizwi lakho.
| העבר עיני מראות שוא בדרכך חיני |
38 Gcwalisa isithembiso sakho encekwini yakho, ukuze wesatshwe.
| הקם לעבדך אמרתך-- אשר ליראתך |
39 Susa ihlazo engilesabayo, ngoba imithetho yakho ilungile.
| העבר חרפתי אשר יגרתי כי משפטיך טובים |
40 Ngizilangazelela kanjani izimiso zakho! Londoloza impilo yami ekulungeni kwakho.
| הנה תאבתי לפקדיך בצדקתך חיני |
41 Sengathi uthando lwakho olungaphuthiyo lungeza kimi, Oh Thixo, insindiso yakho ize njengokuthembisa kwakho;
| ויבאני חסדך יהוה תשועתך כאמרתך |
42 lapho-ke ngizamphendula lowo ongithukayo, ngoba ngithembe ilizwi lakho.
| ואענה חרפי דבר כי-בטחתי בדברך |
43 Ungangemuki emlonyeni ilizwi leqiniso, ngoba ithemba lami ngilibeke emithethweni yakho.
| ואל-תצל מפי דבר-אמת עד-מאד כי למשפטך יחלתי |
44 Ngizahlala ngiwulalela umthetho wakho, okwanini lanini.
| ואשמרה תורתך תמיד-- לעולם ועד |
45 Ngizazihambela ngikhululekile, ngoba ngiyidingisisile imithetho yakho.
| ואתהלכה ברחבה כי פקדיך דרשתי |
46 Ngizakhuluma ngezimiso zakho phambi kwamakhosi ngingabi lamahloni,
| ואדברה בעדתיך נגד מלכים ולא אבוש |
47 ngoba ngithokoza ngisemilayweni yakho ngoba ngiyayithanda.
| ואשתעשע במצותיך אשר אהבתי |
48 Ngizaphakamisa izandla zami emilayweni yakho engiyithandayo, nginakana ngezimemezelo zakho.
| ואשא-כפי--אל-מצותיך אשר אהבתי ואשיחה בחקיך |
49 Khumbula ilizwi lakho encekwini yakho, ngoba usungiphe ithemba.
| זכר-דבר לעבדך-- על אשר יחלתני |
50 Induduzo yami phakathi kokuhlupheka kwami yile: Isithembiso sakho sigcina impilo yami.
| זאת נחמתי בעניי כי אמרתך חיתני |
51 Abaklolodayo bangihleka baze bakholise, kodwa kangiphambuki emthethweni wakho.
| זדים הליצני עד-מאד מתורתך לא נטיתי |
52 Ngiyayikhumbula imithetho yakho yekadeni, Oh Thixo, ngifumana ukududuzeka kuyo.
| זכרתי משפטיך מעולם יהוה ואתנחם |
53 Ngithukuthela ngife ngenxa yababi, asebedele umthetho wakho.
| זלעפה אחזתני מרשעים-- עזבי תורתך |
54 Izimemezelo zakho ziyiyo injongo yengoma yami loba ngingabe ngihlala ngaphi
| זמרות היו-לי חקיך-- בבית מגורי |
55 Ebusuku ngiyalikhumbula ibizo lakho, Oh Thixo, njalo ngizawugcina umthetho wakho.
| זכרתי בלילה שמך יהוה ואשמרה תורתך |
56 Le yiyo injayelo yokwenza kwami: Ngiyayilalela imithetho yakho.
| זאת היתה-לי כי פקדיך נצרתי |
57 Uyingxenye yami, Oh Thixo, ngithembisile ukulalela amazwi akho.
| חלקי יהוה אמרתי-- לשמר דבריך |
58 Ngiyabudinga ubuso bakho ngenhliziyo yami yonke; woba lobubele kimi njengesithembiso sakho.
| חליתי פניך בכל-לב חנני כאמרתך |
59 Sengizihlolile izindlela zami ngaphendula izinyathelo zami zaya ezimisweni zakho.
| חשבתי דרכי ואשיבה רגלי אל-עדתיך |
60 Ngizaphangisa ngingaphuzi ukulalela imilayo yakho.
| חשתי ולא התמהמהתי-- לשמר מצותיך |
61 Loba ababi bengangibopha ngentambo, angiyikuwukhohlwa umthetho wakho.
| חבלי רשעים עודני תורתך לא שכחתי |
62 Phakathi kobusuku ngivukela ukukubonga ngemithetho yakho emihle.
| חצות-לילה--אקום להודות לך על משפטי צדקך |
63 Ngingumngane kubo bonke abakwesabayo, kubo bonke abalandela imithetho yakho.
| חבר אני לכל-אשר יראוך ולשמרי פקודיך |
64 Umhlaba ugcwele uthando lwakho, Oh Thixo; ngifundisa izimiso zakho.
| חסדך יהוה מלאה הארץ חקיך למדני |
65 Senzele okuhle isisebenzi sakho njengelizwi lakho, Oh Thixo.
| טוב עשית עם-עבדך-- יהוה כדברך |
66 Ngifundisa ulwazi lokwahlulela okufaneleyo, ngoba ngiyayikholwa imilayo yakho.
| טוב טעם ודעת למדני כי במצותיך האמנתי |
67 Ngingakabi sekuhluphekeni ngalahleka, kodwa manje sengilalela ilizwi lakho.
| טרם אענה אני שגג ועתה אמרתך שמרתי |
68 Ulungile njalo okwenzayo kulungile; ngifundisa izimiso zakho.
| טוב-אתה ומטיב למדני חקיך |
69 Lokuba abaklolodayo bengibhaceke ngamanga, ngiyazigcina izimiso zakho ngenhliziyo yami yonke.
| טפלו עלי שקר זדים אני בכל-לב אצר פקודיך |
70 Inhliziyo zabo zilolunya kazilazwelo, kodwa mina ngijabula ngomthetho wakho.
| טפש כחלב לבם אני תורתך שעשעתי |
71 Kwakukuhle kimi ukuthi ngihlutshwe ukuze ngifunde izimiso zakho.
| טוב-לי כי-עניתי-- למען אלמד חקיך |
72 Umthetho ophuma emlonyeni wakho uligugu kimi okudlula inhlamvu zesiliva legolide eziyizinkulungwane.
| טוב-לי תורת-פיך-- מאלפי זהב וכסף |
73 Izandla zakho zangenza zangibumba, ngipha ukuzwisisa ukuze ngifunde imilayo yakho.
| ידיך עשוני ויכוננוני הבינני ואלמדה מצותיך |
74 Sengathi labo abakwesabayo bangathokoza nxa bengibona, ngoba sengibeke ithemba lami elizwini lakho.
| יראיך יראוני וישמחו כי לדברך יחלתי |
75 Ngiyazi, Thixo, ukuthi imithetho yakho ilungile, lokuthi ungihlukuluzile ngenxa yokuthembeka kwakho.
| ידעתי יהוה כי-צדק משפטיך ואמונה עניתני |
76 Sengathi uthando lwakho olungaphuthiyo lungaba yinduduzo kimi, njengesithembiso sakho encekwini yakho.
| יהי-נא חסדך לנחמני-- כאמרתך לעבדך |
77 Isihawu sakho kasize kimi ukuze ngiphile, umthetho wakho uyikuthokoza kwami.
| יבאוני רחמיך ואחיה כי-תורתך שעשעי |
78 Sengathi abaklolodayo bangayangiswa ngokungigcona ngingonanga lutho; kodwa mina ngizanakana ngemithetho yakho.
| יבשו זדים כי-שקר עותוני אני אשיח בפקודיך |
79 Sengathi labo abakwesabayo bangaphendukela kimi, bona abezwisisa izimiso zakho.
| ישובו לי יראיך וידעו (וידעי) עדתיך |
80 Sengathi inhliziyo yami ingaba msulwa ngezimiso zakho, ukuze ngingayangiswa.
| יהי-לבי תמים בחקיך-- למען לא אבוש |
81 Umphefumulo wami uyacikizeka ngokulangazelela insindiso yakho, kodwa ngilibekile ithemba lami elizwini lakho.
| כלתה לתשועתך נפשי לדברך יחלתי |
82 Amehlo ami aseze efiphala ngokulinda isithembiso sakho; ngithi, “Uzaze ungiduduze nini na?”
| כלו עיני לאמרתך-- לאמר מתי תנחמני |
83 Lanxa nginjengesixaxa sewayini esesikhumba sifuswe entuthwini, kangizilibali izimiso zakho.
| כי-הייתי כנאד בקיטור-- חקיך לא שכחתי |
84 Inceku yakho izalinda kuze kube nini na? Uzabajezisa nini abangihluphayo na?
| כמה ימי-עבדך מתי תעשה ברדפי משפט |
85 Abaklolodayo bangigebhela amagodi, bephikisa umthetho wakho.
| כרו-לי זדים שיחות-- אשר לא כתורתך |
86 Yonke imilayo yakho ithembekile, ngisiza, ngoba abantu bayangichukuluza kungelasizatho.
| כל-מצותיך אמונה שקר רדפוני עזרני |
87 Baphose bangesula emhlabeni, kodwa kangiyilahlanga imithetho yakho.
| כמעט כלוני בארץ ואני לא-עזבתי פקדיך |
88 Ngivuselela ngomusa wakho olothando, ukuze ngigcine izimiso zomlomo wakho.
| כחסדך חיני ואשמרה עדות פיך |
89 Ilizwi lakho, Oh Thixo, kalipheli lanini; limi liqinile emazulwini.
| לעולם יהוה-- דברך נצב בשמים |
90 Ukuthembeka kwakho kukhona kuzozonke izizukulwane; wawumisa umhlaba, uzakuma kokuphela.
| לדר ודר אמונתך כוננת ארץ ותעמד |
91 Imithetho yakho imi lanamhla lokhu, ngoba zonke izinto zikhonza wena.
| למשפטיך עמדו היום כי הכל עבדיך |
92 Aluba umthetho wakho ubungesiyo injabulo yami ngabe ngabhubha ngiphakathi kokuhlupheka kwami.
| לולי תורתך שעשעי-- אז אבדתי בעניי |
93 Kangisoze ngafa ngayilibala imithetho yakho, ngoba ngayo uyilondolozile impilo yami.
| לעולם לא-אשכח פקודיך כי בם חייתני |
94 Ngisindisa ngoba ngingowakho; ngiyidingisisile imithetho yakho.
| לך-אני הושיעני כי פקודיך דרשתי |
95 Ababi balindele ukungichitha, kodwa ngizanakana ngezimiso zakho.
| לי קוו רשעים לאבדני עדתיך אתבונן |
96 Kukho konke ukuphelela ngibona kulomkhawulo; kodwa imilayo yakho ayilamingcele.
| לכל-תכלה ראיתי קץ רחבה מצותך מאד |
97 Oh, ngiwuthanda kangakanani umthetho wakho! Ngikhumbula ngawo ilanga lonke.
| מה-אהבתי תורתך כל-היום היא שיחתי |
98 Imilayo yakho iyangihlakaniphisa kulezitha zami, ngoba ngihlezi ngilayo.
| מאיבי תחכמני מצותך כי לעולם היא-לי |
99 Ngicacile ukuqedisisa kwami kulabafundisi bami, ngoba ngiyanakana ngezimiso zakho.
| מכל-מלמדי השכלתי כי עדותיך שיחה לי |
100 Ngiyezwisisa okudlula abadala, ngoba ngiyayilalela imithetho yakho.
| מזקנים אתבונן כי פקודיך נצרתי |
101 Inyawo zami kaziyinyathelanga layiphi indlela embi ukuze ngilalele ilizwi lakho.
| מכל-ארח רע כלאתי רגלי-- למען אשמר דברך |
102 Kangiphambukanga emithethweni yakho, ngoba wena ngokwakho ungifundisile.
| ממשפטיך לא-סרתי כי-אתה הורתני |
103 Amazwi akho anambitheka kamnandi kimi, amnandi kulenyosi emlonyeni wami!
| מה-נמלצו לחכי אמרתך-- מדבש לפי |
104 Ngiyazuza ukuqedisisa emithethweni yakho; ngakho ngiyayizonda loba layiphi indlela engalunganga.
| מפקודיך אתבונן על כן שנאתי כל-ארח שקר |
105 Ilizwi lakho liyisibane ezinyaweni zami liyikukhanya kwendlela yami.
| נר-לרגלי דברך ואור לנתיבתי |
106 Sengenzile isifungo ngasiqinisa, ukuthi ngizalandela imithetho yakho elungileyo.
| נשבעתי ואקימה-- לשמר משפטי צדקך |
107 Sengihlupheke kakhulu; londoloza impilo yami, Oh Thixo njengokutshiwo yilizwi lakho.
| נעניתי עד-מאד יהוה חיני כדברך |
108 Yamukela, Oh Thixo, indumiso epheleleyo ngomlomo wami, ungifundise imithetho yakho.
| נדבות פי רצה-נא יהוה ומשפטיך למדני |
109 Loba ngihlezi ngizibona sengingene engozini, kangiyi kuwulibala umthetho wakho.
| נפשי בכפי תמיד ותורתך לא שכחתי |
110 Ababi sebengithiye ngomjibila kodwa kangiphambukanga emithethweni yakho.
| נתנו רשעים פח לי ומפקודיך לא תעיתי |
111 Izimiso zakho ziyilifa lami laphakade; ziyintokozo yenhliziyo yami.
| נחלתי עדותיך לעולם כי-ששון לבי המה |
112 Inhliziyo yami izimisele ukugcina imilayo yakho kuze kube sekupheleni.
| נטיתי לבי לעשות חקיך-- לעולם עקב |
113 Ngiyabazonda abantu abangongqondombili, kodwa ngiyawuthanda umthetho wakho.
| סעפים שנאתי ותורתך אהבתי |
114 Uyisiphephelo sami lesihlangu sami; sengibeke ithemba lami elizwini lakho.
| סתרי ומגני אתה לדברך יחלתי |
115 Sukani kimi lina benzi bobubi, ukuze ngikwazi ukugcina imilayo kaNkulunkulu wami!
| סורו-ממני מרעים ואצרה מצות אלהי |
116 Ngisekela njengesithembiso sakho ukuze ngiphile; ithemba lami lingaze labhidlika.
| סמכני כאמרתך ואחיה ואל-תבישני משברי |
117 Ngiqinisa ukuze ngikhululwe; ngizahlala ngizinanza izimiso zakho.
| סעדני ואושעה ואשעה בחקיך תמיד |
118 Uyabalahla bonke labo abaphambuka ezimisweni zakho, ngoba ukukhohlisa kwabo kuyize.
| סלית כל-שוגים מחקיך כי-שקר תרמיתם |
119 Bonke ababi bomhlaba uyabalahlela kude njengezibi; ngakho ngiyazithanda izimiso zakho.
| סגים--השבת כל-רשעי-ארץ לכן אהבתי עדתיך |
120 Inyama yami iyathuthumela ngokukwesaba; ngizwa ngiyesaba imithetho yakho.
| סמר מפחדך בשרי וממשפטיך יראתי |
121 Ngenzile okulungileyo lokufaneleyo; ungangiyekeleli abancindezeli bami.
| עשיתי משפט וצדק בל-תניחני לעשקי |
122 Qinisa impilakahle yenceku yakho; ungayekeli abaklolodayo bangincindezele.
| ערב עבדך לטוב אל-יעשקני זדים |
123 Amehlo ami asefiphala elokhu ekhangele insindiso yakho, ekhangele isithembiso sakho esilungileyo.
| עיני כלו לישועתך ולאמרת צדקך |
124 Yenza encekwini yakho ngokothando lwakho, ungifundise izimiso zakho.
| עשה עם-עבדך כחסדך וחקיך למדני |
125 Ngiyinceku yakho; ngipha ukuqedisisa ukuthi ngizwisise izimiso zakho.
| עבדך-אני הבינני ואדעה עדתיך |
126 Sekuyisikhathi sakho sokuthi wenze okwakho, Oh Thixo umthetho wakho uyephulwa nje.
| עת לעשות ליהוה-- הפרו תורתך |
127 Ngoba ngiyayithanda imilayo yakho kulegolide, kulegolide elicengekileyo,
| על-כן אהבתי מצותיך-- מזהב ומפז |
128 njalo njengoba ngisithi imithetho yakho ilungile, ngiyayizonda yonke indlela engaqondanga.
| על-כן כל-פקודי כל ישרתי כל-ארח שקר שנאתי |
129 Izimiso zakho ziyamangalisa; ngakho ngiyazilalela.
| פלאות עדותיך על-כן נצרתם נפשי |
130 Ukwambulwa kwamazwi akho kuletha ukukhanya; kunika ukuzwisisa kwabayizithutha.
| פתח דבריך יאיר מבין פתיים |
131 Ngivula umlomo wami ngikhefuzele, ngilangazelela imilayo yakho.
| פי-פערתי ואשאפה כי למצותיך יאבתי |
132 Phendukela kimi ube lomusa kimi, njengoba uhlezi ukwenza kwabathanda ibizo lakho.
| פנה-אלי וחנני-- כמשפט לאהבי שמך |
133 Qondisa izinyathelo zami ngokwelizwi lakho; kakungabi lesono esingibusayo.
| פעמי הכן באמרתך ואל-תשלט-בי כל-און |
134 Ngihlenga ekuncindezelweni ngabantu, ukuze ngilalele imithetho yakho.
| פדני מעשק אדם ואשמרה פקודיך |
135 Yenza ubuso bakho bukhanye encekwini yakho, ungifundise izimiso zakho.
| פניך האר בעבדך ולמדני את-חקיך |
136 Imifula yezinyembezi iyajuluka emehlweni ami, ngoba umthetho wakho kawulalelwa.
| פלגי-מים ירדו עיני-- על לא-שמרו תורתך |
137 Ulungile wena Thixo, lemithetho yakho ilungile.
| צדיק אתה יהוה וישר משפטיך |
138 Izimiso ozibekileyo zilungile; zithembekile ngokupheleleyo.
| צוית צדק עדתיך ואמונה מאד |
139 Ukutshiseka kwami kuyangicoba, ngoba izitha zami kaziwananzi amazwi akho.
| צמתתני קנאתי כי-שכחו דבריך צרי |
140 Izithembiso zakho zihlolisisiwe kakhulu, inceku yakho iyazithanda.
| צרופה אמרתך מאד ועבדך אהבה |
141 Loba ngingumuntukazana ngiseyiswa, angiyikhohlwa imithetho yakho.
| צעיר אנכי ונבזה פקדיך לא שכחתי |
142 Ukulunga kwakho kumi laphakade njalo umthetho wakho uliqiniso.
| צדקתך צדק לעולם ותורתך אמת |
143 Uhlupho losizi kuyakungehlele, kodwa imilayo yakho iyikuthokoza kwami.
| צר-ומצוק מצאוני מצותיך שעשעי |
144 Izimiso zakho zihlezi zilungile; ngipha ukuzwisisa ukuze ngiphile.
| צדק עדותיך לעולם הבינני ואחיה |
145 Ngiyamemeza ngayo yonke inhliziyo yami; ngiphendula, Thixo, mina ngizalalela imithetho yakho.
| קראתי בכל-לב ענני יהוה חקיך אצרה |
146 Ngiyakubiza, ngisindisa mina ngizagcina izimiso zakho.
| קראתיך הושיעני ואשמרה עדתיך |
147 Ngivuka emathathakusa ngikhale kuwe ngicela usizo; sengibeke ithemba lami elizwini lakho.
| קדמתי בנשף ואשועה לדבריך (לדברך) יחלתי |
148 Amehlo ami alala ekhangele ngemilindo yonke yobusuku, ukuze ngicabange ngezithembiso zakho.
| קדמו עיני אשמרות-- לשיח באמרתך |
149 Zwana ilizwi lami ngokuya kothando lwakho; londoloza impilo yami, Oh Thixo ngokuya kwemithetho yakho.
| קולי שמעה כחסדך יהוה כמשפטך חיני |
150 Labo abakha amasu amabi baseduze, kodwa bakhatshana lomthetho wakho.
| קרבו רדפי זמה מתורתך רחקו |
151 Ikanti useduze, wena Thixo, lemilayo yakho yonke iqinisile.
| קרוב אתה יהוה וכל-מצותיך אמת |
152 Sekukade ngafunda ezimisweni zakho ukuthi wazenzela ukuthi zime lanininini.
| קדם ידעתי מעדתיך כי לעולם יסדתם |
153 Khangela ukuhawula kwami ungikhulule, ngoba kangiwukhohlwanga umthetho wakho.
| ראה-עניי וחלצני כי-תורתך לא שכחתי |
154 Ake ungimele ukuze ungihlenge; londoloza impilo yami njengesithembiso sakho.
| ריבה ריבי וגאלני לאמרתך חיני |
155 Insindiso ikhatshana kwababi, ngoba kabazidingi izimiso zakho.
| רחוק מרשעים ישועה כי חקיך לא דרשו |
156 Isihawu sakho sikhulu, Oh Thixo londoloza impilo yami mayelana lemithetho yakho.
| רחמיך רבים יהוה כמשפטיך חיני |
157 Zinengi izitha ezingihluphayo, kodwa kangiphambukanga ezimisweni zakho.
| רבים רדפי וצרי מעדותיך לא נטיתי |
158 Ngikhangela abangakholwayo ngibenyanye, ngoba kabalilaleli ilizwi lakho.
| ראיתי בגדים ואתקוטטה-- אשר אמרתך לא שמרו |
159 Ake ubone ukuthi ngiyithanda kanganani imithetho yakho; londoloza impilo yami, Oh Thixo, ngokothando lwakho.
| ראה כי-פקודיך אהבתי יהוה כחסדך חיני |
160 Wonke amazwi akho aqinisile; yonke imithetho yakho elungileyo ngeyaphakade.
| ראש-דברך אמת ולעולם כל-משפט צדקך |
161 Ababusi bayangihlupha kungelasizatho, kodwa inhliziyo yami iyaliqhuqhela ilizwi lakho.
| שרים רדפוני חנם ומדבריך (ומדברך) פחד לבי |
162 Isithembiso sakho siyangithokozisa ingathi ngumuntu othole impango enkulu.
| שש אנכי על-אמרתך-- כמוצא שלל רב |
163 Amanga ngiyawazonda njalo ngiyawenyanya kodwa umthetho wakho ngiyawuthanda.
| שקר שנאתי ואתעבה תורתך אהבתי |
164 Ngikudumisa kasikhombisa ngelanga ngenxa yemithetho yakho elungileyo.
| שבע ביום הללתיך-- על משפטי צדקך |
165 Kukhulu ukuthula abalakho labo abathanda umthetho wakho, kakulalutho olungabakhubekisa.
| שלום רב לאהבי תורתך ואין-למו מכשול |
166 Ngiyilindele insindiso yakho, Oh Thixo njalo ngiyayilandela imilayo yakho.
| שברתי לישועתך יהוה ומצותיך עשיתי |
167 Ngiyazilalela izimiso zakho, ngoba ngiyazithanda kakhulu.
| שמרה נפשי עדתיך ואהבם מאד |
168 Ngiyayilalela imithetho yakho lezimiso zakho, ngoba uyazazi zonke izindlela zami.
| שמרתי פקודיך ועדתיך כי כל-דרכי נגדך |
169 Sengathi ukukhala kwami kungafika kuwe, Oh Thixo ngipha ukuzwisisa njengelizwi lakho.
| תקרב רנתי לפניך יהוה כדברך הבינני |
170 Sengathi ukuncenga kwami kungafika kuwe; ngikhulula njengesithembiso sakho.
| תבוא תחנתי לפניך כאמרתך הצילני |
171 Sengathi indebe zami zingageleza indumiso yakho, ngoba uyangifundisa imithetho yakho.
| תבענה שפתי תהלה כי תלמדני חקיך |
172 Sengathi ulimi lwami lungalihlabela ilizwi lakho, ngoba yonke imilayo yakho ilungile.
| תען לשוני אמרתך כי כל-מצותיך צדק |
173 Sengathi isandla sakho singalungela ukungisiza, ngoba sengikhethe imithetho yakho.
| תהי-ידך לעזרני כי פקודיך בחרתי |
174 Ngilangazelela insindiso yakho, Oh Thixo ngoba umthetho wakho uyinjabulo yami.
| תאבתי לישועתך יהוה ותורתך שעשעי |
175 Kangiphile ukuze ngikudumise, sengathi njalo lemithetho yakho ingangisekela.
| תחי-נפשי ותהללך ומשפטך יעזרני |
176 Ngiphambukile njengemvu elahlekileyo. Yidinge inceku yakho, ngoba kangikayikhohlwa imilayo yakho.
| תעיתי-- כשה אבד בקש עבדך כי מצותיך לא שכחתי |
