KwabaseGalathiya 3

1 Hawu maGalathiya ayizithutha, ngubani oliloyileyo ukuze lingalaleli iqiniso, lina abekwa obala phambi kwamehlo enu uJesu Kristu, ebethelwe phakathi kwenu?

O foolish Galatians, who has been bewitching you, before whose eyes Jesus Christ was set forth having been crucified?

2 Yilokhu kuphela engithanda ukukufunda kini ukuthi: Lemukela uMoya ngemisebenzi yomlayo yini, loba ngokuzwa kokholo?

I only wish to learn this from you, Did you receive the Spirit by works of law, or by hearing of faith?

3 Kanti liyizithutha kangaka? Liqale ngoMoya selipheleliswa ngenyama yini?

Are you so foolish? having begun in the Spirit, are you now made perfect in the flesh?

4 Lahlupheka izinto ezinengi kangaka ngeze yini? Uba-ke ngitsho ngeze.

Have you suffered so many things in vain? if indeed in vain.

5 Ngakho yena olinika uMoya losebenza imisebenzi yamandla phakathi kwenu, kungaba ngemisebenzi yomlayo yini, kumbe ngokuzwa kokholo?

Then did the one imparting to you the Spirit, and working miracles, among you, do it by works of law, or by hearing of faith?

6 NjengoAbrahama wakholwa kuNkulunkulu, kwabalelwa-ke kuye ukuthi yikulunga.

As Abraham believed God, and it was counted unto him for righteousness.

7 Ngakho liyazi ukuthi labo abangabokholo, bona bangabantwana bakaAbrahama.

Then know that those who are of faith, the same are the sons of Abraham.

8 Lombhalo, ubona ngaphambili ukuthi uNkulunkulu ulungisisa abezizwe ngokholo, watshumayela ivangeli ngaphambili kuAbrahama wathi: Izizwe zonke zizabusiswa kuwe.

But the scripture, foreseeing that God would justify the Gentiles by faith, preached the gospel to Abraham beforehand, That in thee shall all the Gentiles be blessed.

9 Ngakho abangabokholo babusiswa kanye loAbrahama okholwayo.

Therefore those who are of faith are blessed with faithful Abraham.

10 Ngoba bonke abemisebenzi yomlayo bangaphansi kwesiqalekiso; ngoba kulotshiwe ukuthi: Uqalekisiwe wonke ongaqhubeki kukho konke okulotshiweyo encwadini yomlayo ukukwenza.

For so many as are of works of law are under the curse: for it is written, Cursed is every one who does not abide in all things which have been written in the book of the law, to do the same.

11 Kodwa kusobala ukuthi ngomlayo kakulamuntu olungisiswayo phambi kukaNkulunkulu; ngoba: Olungileyo uzaphila ngokholo;

But that no one is justified by law in the sight of God, is evident: because, The just shall live by faith:

12 kodwa umlayo kawusiwo wokholo, kodwa kuthiwa: Umuntu owenza lezizinto uzaphila kuzo.

though the law is not of faith; but the one having done these things shall live in them.

13 UKristu wasihlenga kusiqalekiso somlayo, esenziwe waba yisiqalekiso esikhundleni sethu; ngoba kulotshiwe ukuthi: Uqalekisiwe wonke olenga esihlahleni;

Christ has redeemed us from the curse of the law, being made a curse for us: because it has been written; Cursed is every one having been hung on the wood:

14 ukuze kuthi isibusiso sikaAbrahama sifike kwabezizwe ngoKristu Jesu, ukuze semukele isithembiso sikaMoya ngokholo.

in order that the blessing of Abraham in Christ Jesus may come to the Gentiles; in order that we may receive the promise of the Spirit through faith.

15 Bazalwane, ngikhuluma njengokomuntu; ngitsho isivumelwano somuntu esiqinisiweyo, kakho osichithayo loba osengezelelayo.

Brethren, I speak according to a man, nevertheless no one disannuls, or adds to, the covenant of a man which has been confirmed.

16 Njalo izithembiso zakhulunywa kuAbrahama lenzalweni yakhe. Katsho ukuthi: Lezinzalweni, njengokungathi zinengi, kodwa njengokungathi ngeyodwa ukuthi: Lenzalweni yakho, enguKristu.

But the promises were spoken to Abraham and his seed. He does not say, And unto seeds, as of many; but as of one; And thy seed, which is Christ.

17 Lalokho ngiyakutsho: Umlayo oweza emva kweminyaka engamakhulu amane lamatshumi amathathu kawusesuli isivumelwano esaqiniswa nguNkulunkulu kuKristu ngaphambili, ukuze usenze isithembiso sibe yize.

And I say this; The law which was given after four hundred and thirty years, does not disannul the covenant which had been before confirmed of God, so as to make the promise of none effect.

18 Ngoba uba ilifa livela emlayweni, alisaveli esithembisweni; kodwa uNkulunkulu walinika uAbrahama ngesithembiso.

For if the inheritance were by law, it is no more by promise: but God gave it to Abraham through the promise.

19 Pho, umlayo uyini? Wengezwa ngenxa yeziphambeko, kuze kufike inzalo eyanikwa isithembiso; wamiswa ngezingilosi esandleni somlamuli.

Then what is the law? It was added on account of the transgressions, until the seed to whom the promise was made should come; being ordained by angels in the hand of a mediator.

20 Kodwa umlamuli kayisuye woyedwa, kodwa uNkulunkulu munye.

A mediator is not of one; but God is one.

21 Pho umlayo uphambene lezithembiso zikaNkulunkulu yini? Phinde! Ngoba uba wawunikiwe umlayo olamandla okuphilisa, isibili ukulunga ngabe kuvela ngomlayo.

Then was the law against the promises of God? it could not be so. For if the law was given being able to create life, truly justification would have been by law:

22 Kodwa umbhalo uvalele konke ngaphansi kwesono, ukuze isithembiso ngokholo lukaJesu Kristu siphiwe abakholwayo.

but the scripture has shut up all things unto sin, in order that the promise through faith of Jesus Christ may be given to those who believe.

23 Kodwa kungakafiki ukholo, sasilondolozwe ngaphansi komlayo, sivalelwe kuze kube sekholweni obeluzakwembulwa.

But before faith came, we were kept under law, being shut up to the faith about to be revealed.

24 Ngakho umlayo wawungumeluleki wethu kuKristu, ukuze silungisiswe ngokholo;

Therefore the law became our schoolmaster to lead us to Christ, in order that we may be justified by faith;

25 kodwa selufikile ukholo, kasisekho ngaphansi kukameluleki.

but faith having come, we are no longer under the schoolmaster.

26 Ngoba lonke lingabantwana bakaNkulunkulu ngokholo kuKristu Jesu.

For you are all the sons of God, through faith, in Christ Jesus;

27 Ngoba lonke elabhabhathizelwa kuKristu, lembethe uKristu;

for so many of you as were baptized into Christ have put on Christ.

28 kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

There is no longer Jew nor Greek, nor bond nor free, nor male and female: for you are all one in Christ Jesus.

29 Uba-ke lingabakaKristu, ngakho liyinzalo kaAbrahama, njalo liyizindlalifa njengokwesithembiso.

But if you belong to Christ then you are the seed of Abraham, heirs according to the promise.