Псалми 145

1 Узвишаваћу Те, Боже мој, царе мој, благосиљаћу име Твоје од века до века.

Anumzamoka nagri kini mani'nanku hu'na Kagrira husga hugantegahue. Ana nehu'na maka zupa, Kagri kagia ahentesga huvava hugahue.

2 Сваки ћу Те дан благосиљати, и хвалићу име Твоје довека и без престанка.

Maka kna Kagrira husga hunegante'na, kagia erisga hu vava hugahue.

3 Велик је Господ, и ваља Га славити, и величанство Његово не може се досегнути.

Ra Anumzamo'a agrake'za tusi'a Anumza mani'neankino, agrake'za ra agia erigara hu'ne. Ana hu'neankino agrake'za tusi'a Anumzana mani'neankita Agrira rezaganeta kegara osu'none.

4 Од колена до колена хвалиће дела Твоја, и силу Твоју казивати.

Vahe'ma fore hu anante anante'ma hu'za vanafina, Kagrama hankave eri'zama erifore'ma hu'nana zamofo agenkea zamasami anante anante hu'za nevu'za, kagri hankavegura huama hu'za vahera zmasamigahaze.

5 О високој слави Твог величанства, и о дивним делима Твојим размишљам.

Kagri hihamu hankavegu'ene, knare'nare eri'zama eri'nana zankura, nagesa antahintahi hugahue.

6 Приповедаће силу чудеса Твојих, и ја ћу величанство Твоје казивати.

Kagrama hankave eri'zama eri'nana eri'zamofo agenkea vahe'mo'za hugantu hugama hu'za nentahinage'na, tusi'a Anumza mani'nane hu'na vahera huama hu'na zamasamigahue.

7 Хвалиће велику доброту Твоју и правду Твоју певаће.

Rama'a knare'nare kavukvama hu'nana zankura maka vahe'mo'za huge antahige nehu'za, fatgo kavukva zankura zagamera nehu'za musenkase hugahaze.

8 Податљив је и милосрдан Господ, дуго трпи и велике је милости.

Ra Anumzamo'a knare avu'ava huneranteno asunku hunerantea Anumzankino, ame huno arimpa oheno, vagaore mevava avesi zanteti avesinerantea Anumza mani'ne.

9 Добар је Господ према свима, и жалостив на сва дела своја.

Ra Anumzamo'a maka vahera knare avu'avaza hunezamanteno, maka zama tro'ma hunte'nea zantamina asunku hunezamantea Anumza mani'ne.

10 Нека Те славе, Господе, сва дела Твоја, и свеци Твоји нека Те благосиљају.

Ra Anumzamoka maka zama tro'ma hunte'nana zantamimo'a Kagrira humuse hunegantesage'za, kamage'ma nentaza vahe'mo'za Kagri kagi'a husga hugahaze.

11 Нека казују славу царства Твог, и силу Твоју приповедају.

Ana nehu'za kagrama maka mopama kegava hunana hihamu masa zanka'agura nanekea nehu'za, hanaveka'agura huama hu'za vahera zamasamigahaze.

12 Да би јавили синовима људским силу Твоју, и високу славу царства Твог.

Kagrama hankave eri'zama eri'nana zamofone, Kagrama kegavama hunana hihamu hankavea maka vahe'mo'za ke'za antahi'za hugahaze.

13 Царство је Твоје царство свих векова, и влада Твоја на сва колена.

Kagrama kini maninka kegavama hunana kuma'mo'a vagaore mevava huno vugahie. Mika knafima forehu anante anante'ma hu'za vanaza vahe'enena kegava huzmantenka vugahane.

14 Господ прихвата све који падају, и исправља све погнуте.

Tanafa'ma hu'za masaza vahera Ra Anumzamo'a zamaza nehuno, knazamo'ma rentrakoma nehia vahera zamazeri sga nehie.

15 Очи су свих к Теби управљене, и Ти им дајеш храну на време;

Maka zagamo'za kagrite zamavua antete'za amuhara nehu'za mani'nazagenka, kna fatgore ne'zana zaminke'za nenaze.

16 Отвараш руку своју, и ситиш свашта живо по жељи.

Maka zagagafamo'za ne'zama nesaza zanku'ma nehazagenka, Kagra kazana rutarenka ne'zana zaminke'za nezamu nehaze.

17 Праведан је Господ у свим путевима својим, и свет у свим делима својим.

Maka zama hifina Ra Anumzamo'a fatgo avu'ava zanke nehuno, asunku huranteno ana maka zana hunerante.

18 Господ је близу свих који Га призивају, свих, који Га призивају у истини.

Tamage zamagu zamagesa regati'ma Ra Anumzamofonku'ma kezamatiza vahetera, Agra erava'o nehie.

19 Жељу испуња онима који Га се боје, тужњаву њихову чује, и помаже им.

Agri'ma koro'ma hunte'za amage'ma nentaza vahe'mo'zama nazankuro atupa'ma nehaza zana nezamino, zavi krafama nehazana nentahino, zamaza huno zamagu nevazie.

20 Чува Господ све који Га љубе, а безбожнике све ће истребити.

Ra Anumzamofoma avesinentaza vahera, Agra kegava hunezamante. Hianagi havi zamavu zamava'ma nehaza vahera, zamazeri havizantfa hugahie.

21 Хвалу Господу нека говоре уста моја, и нека благосиља свако тело свето име Његово увек и без престанка.

Nagra Ra Anumzamofo agi'a ahentesga hugahuanki, maka zantamima agra azampinti'ma tro'ma higeta ama mopafima mani'naza zantamimota, ruotage'ma hu'nea agi'a ahentesga huvava huta vugahaze.